المساعد الشخصي الرقمي

مشاهدة النسخة كاملة : محتاجه اجابه ضروري الله يسعدكم


nur
2012-05-22, 08:27 PM
انا دفعت لدورة التاهيليه وفتحت ملفي الشخصى ونزلت المواد في انتساب جامعة الامام
بس مالله كتب ولادخلت اختبارات ولا اعتذرت ولا انسحبت
وهالحين كيف استرد المبلغ دخلت على الموقع وماحصلت اي روابط وكمان دخلت على تدارس في ملفي ماحصلت روابط منشطه
وش الحل
ساعدوني تكفون ابي ارجع فلوسي محتاجتها

عبق
2012-05-22, 10:17 PM
مآآلك غير العمآدةة تفيدك في استفسارك
لأنك تعتبرين رآآسبةة في الموآد ،
+مآقدمتي ع الاقل انسحآب او شرحتي لهم قبلهآ بفترةة
ع العموم ان شآء الله العمآدةة تتقبل عذرك

موفقةة يآآرب

nur
2012-05-23, 12:56 AM
لا اخوى مانسحبت ولا شي كنت ناويه ادخل بس جتني نفس منها غصب عني
وهالحين مافيه امل ولو يرجعون نص فلوسي على الاقل
محد عطاني وجه لاعماده ولا موقعهم ولا موظفينهم
كلا ساارح بهمه على قولة ذاك

عبق
2012-05-23, 02:10 AM
غريبةة أنا كل مآبغيتهم الاقيهم
وتقديمهم للخدمةة على احسسن مآيكوون

أذآ مدااكـ روحي لهم واشرحي لهم حآلتك ،يمكن تكون فيه استثنآءات
دقي الصبح عليهم (10 او 11)
وان شآآء الله تلاقي حل عندهم :bye1:

nur
2012-05-25, 05:51 PM
عبق اخوي وين اتحصلهم انت بالضبط في الموقع ولا على التلفون
تكفى ماتقدر اتساعدني ماعندي احد يروح الهم ومحد عطاني وجه اصلا مايبوني اكمل وكلا يقول بينه وبين نفسه جعلك ماتقومين والله لايردها للاسف هذا لسان حال كل الى عندي
اذا تبي تكسب اجري بعطيك كل شي عني من ملفي الشخصى ورقم الحساب والرقم السري وكل شي وانت قل الهم انا اخوها واذا مافيه امل بسترداد المبلغ بحوله على الاقل لاي بنت او ولد يبي يدرس احسن مايروح كذا بدون فايده ابي الاجر والتوفيق
انتظر ردك الله يسعدك

مجتهده
2012-05-25, 06:47 PM
شوفي يابنتي أنا اعرف كثير دفعوا وهو نوا ورجعو لهم الفلوس كلميهم وما يصير الا مايسرك يارب العالمين. حرام صراحه تروح عليك 3000 ريال مؤ شويه حتى ولو ريال هذا حقك

nur
2012-05-25, 08:38 PM
صحيح حبيبتي مجتهده
سمعت انه مافيه امل مادري هل المصدر صح ولا غلط ويمكن يكون من ناس حاسده انا للاسف ماصكن علي الا الحسسسده قلت اجل دامهي رايحه رايحه تاخذها وحده من البنات تدرس ابها تاهيليه افك زنكتها في بداية الدراسه اقل شي ان استمرت هالبنت تدعي لي طول فترة ادراستها
وادري والله انه مبلغ مب هين عشان كذا ملبيه ينوكل كذا عينك عينك شي يقهر

مجتهده
2012-05-25, 11:27 PM
ثقي بالله انه يرجعلك عادي يرجعونه

النجم الدوار
2012-05-26, 11:23 AM
اهلين اختي نور

اول شي توكلي على الله دوم في كل امورك
ثاني شي الأخـوان والاخوات يكونو مداومين الصبح تقدرين تتصلين عليهم ويفيدوك رقم الهاتف على هذا الرابط تلقينه وهو مجاني (( الأتصال مجاني ))

[Link nur für registrierte Benutzer sichtbar]

ثاني شي ادري انك الصبح بتكوني خارج التغطية ( نايمة ) علشان كذا انا سويت الي تبينه
الحمدلله اتصلت على الأخـوان وسالتهم (( فيه وحـدهـ من الاخوات سجلت في الدورة التاهيليه وماقدرت تختبر وتبي تكمل او تسترد فلوسها تقدر ))

قال لي (( كل الثنتين تقدر عليهم إذا تبي تكمل التسجيل يفتح في 12/7/1433هـ وإذا تبي تسحبهم تقدر تسحب المبلغ ))

الطريقة
قالي تدخلين على صفحتك الرئيسية تلقين (( نظام السداد >>> طلب الاسترداد )) وتستردين مبلغك وبالعافيه عليك


اتمنى اكون قدرك اخدمك بشي واي استفسار حياك
وارقامك السرية لاتحطينها في الموقع لانها مهمة لك انتي فقط وإذا ماقدرتي تقدرين تتواصلين معهم على الموقع او التلفون من 8 الصبح لحد حوالي 2 الظهر


موفقة اختي وفيه الان دراسة عن طريق قناة المجد او عن طريق النت

أسف جدا على الإطاله

عبق
2012-05-26, 05:37 PM
نوور أعتذر مآشفت ردك الا الحين
مآقصر النجم الدوآآرّ عطآآك الحل

واي مسآآعدةة آآمري سواً انآ او الاخوآن ماراح يقصروون

nur
2012-05-27, 05:20 AM
الله يوفقك ويفتحها في وجهك وين مارحت يالنجم الدوار
ماقصرت والله كفيت ووفيت انت والاخت مجتهده بعد والاخ عبق
بس انا سبق وخشيت على طلبي من ملفي وماحصلت شي نشط في هالايقونه
برجع اخش عليه مؤه ثانيه ورد لكم خبر
الله لايحرمني منكم ولا من مساعدتكم الاخويه

عبق
2012-05-27, 05:30 AM
^
شوفي الحين وان شآآء الله تتيسر لك
وترا انا شبااصةة ،مانيب ابو شنب :d

nur
2012-05-27, 05:32 AM
اخواني للاسف دخلت على ملفي الشخصى و نظام السداد وطلب الاسترداد
ثم حصلت خانتين غير نشطه الاولى مكتوب عندها طلبات الاسترداد التي يمكن الغاؤها ومكتوب عندها تحت بالاحمر لاتوجد طلبات سابقه
والخانه الثانيه مكتوب فيها طلبات الاسترداد التي لا يمكن إلغاؤها رقم الطلب
بس وماقدر اظغط عليها غير نشطه شلحل طيب
وهالشي قد جربته قبل لانزل موضوعي عشان كذا يائست

عبق
2012-05-27, 05:37 AM
^
أنآ بعد حآآولت اجرب بعد رد الفآضل النجم الدورآآر ولا طلع لي شي
بس دآآم افادهـ (المركز) انك تقدرين على الطريقتين ،فيك تتصلي عليهم اليووم
وكلمهيآآ وترآ خدمةة جدا رآآٌيةة مآتقفلين من عندهم الا مشكلتك محلولةة

nur
2012-05-27, 06:18 AM
مييييين عبق
يااااااالبيييييييه اطلعت بنوته يارب اتوفقها وتفتح لها ابواب الرزق هي وكل من تجاوب معي
اي والله ياخيه ماطلع شي نهايي
الله يعيني اواصل اللين الساعه 8 واكلمهم واشوف
ربماااا تحل مشكلتي بس مدري ليه احسس ان اي شي يتعلق بالفلوس معقد وصعب استرجااعه

nur
2012-05-27, 09:22 PM
اتصلت اليوم عليهم بعد ماواصلت لساعه 8 الصبح وبعد ماطلعت اعيوني من شدة النوم
وفي الاخير ولااااشي قسم النساء يتصل محد يرد علي وقسم الرجال يقولي بحولك على الحريم
ويوم اتصلت عليه مره ثانيه قالي خشي من ملفك على استرداد المبلغ طيب انا عارفه هالخطوات وماحصلت اي نتيجه الايقونات غير منشطه , وش اسوى هالحين اتكفون الحقو لاتخلوني وينك ياعبق والطبق الدوار مدري غرندايزر لاتتركوني والله ماعندي احد يساعدني طايحه في الخلاا الخالي
اللهم افرج هم من يفرج همي

مجتهده
2012-05-27, 09:25 PM
طيب أمري باللي تبين أنا أخدمك من عيوني أنا أداوم من بدري وأكلمهم باللي تبين اقولهم

nur
2012-05-27, 09:39 PM
الله يوسع لك في رزقك يامجتهده وربي اني استحيت من ذوقك

انا ابي استرد المبلغ حق الدوره التاهيليه

بخش عليك خاص وبكتب لك بياناتي وانتي عطيهم البيانات كلها ورديلي خبر الله يسعدك

nur
2012-05-28, 01:35 AM
مجتهده
ارسلت الك بياناتي كلها على رسالة البريد الالكتروني الخاص فيك
مدري وصلت لك ولالا

النجم الدوار
2012-05-28, 07:51 AM
اوووما قرنديزر اول مرة حد يقولها الطبق الطائر مادري الدوار دوم اسمعها هههه

الله يعافيك ويوفقك اول شي متاسف جدا على التاخير في الرد والاسباب خليها ع الله
ثاني شي لو كل شي تقفل في طريقك ادخلي على هذا الرابط

[Link nur für registrierte Benutzer sichtbar]

اكتبي فوق رقم الهوية وتحت جوالك المسجل عندهم بدون صفر
يعني بدل ماتكتبين 5 5 0 اكتبي 55......

وافتحي طلب عندهم وراح يردو عليك بوقت سريع بس لازم يكون في وقت الدوام

ولو ماضبط معك ومع الاخت مجتهدهـ انا بتصل عليهم واحل لك الموضوع بإذن الله

مجتهده
2012-05-28, 08:53 AM
ما وصلني شي

nur
2012-05-30, 04:12 AM
الله يسعدك يالنجم الدوار وين مارحت على هالمعلومات ويجعلك من كل ضيق مخرجا قول ااامين
وانا بخش على الروابط وبرد لك
مجتهده حبيبتي ارسلتها لك رسالة بريد خاص يعني على نفس اسمك ظغطت عليه وارسالة رسالة بريد
مدري صح علي ولالا :shutup:

nur
2012-05-30, 05:02 AM
اخوي خشيت على الرابط الى ارسلته ماحصلت شي من الي تقوله
ماحصلت شي اكتبه لاتحت ولافوق انفتحت قدامي صفحه طويله عريضه عن التعليم عن بعد وكلها دعايات وبرامج الدراسه والخدمات الذاتيه للطلاب وشين يسسد النفس
ماحصلت الى تقول عليها نهايي اظغط بنفسك وشف
ولايمكن يفتح الرابط عندي غيري يكون شامل عن موقع الجامعه :no:
ششلحل :shutup:

nur
2012-05-30, 07:26 AM
اخوي النجم الدوار ابشرك اني دخلت على الطلب حقي في تدارس وحصلت ايقونة طلب استرداد المبلغ شغاله ودخلت عليها وعبيت البيانات كلها طالبين ادخل رقم الايبان كنت مفكره رقم الحساب بس المهم كتبت المبلغ المطلوب 3000 حق الدوره التاهيليه وكتبت انسحاب بس يوم ظغطت على مواقف طلع لي شاشة حوار مكتوب فيها , يجب ان يكون المبلغ المطلوب اقل من او يساوي الرصيد المتاح , مافهمت وش بقصد فهمني تكفى لان الطلب هالحين معلق مارسلته واذا فيه اي شي ثاني علمني فيه مابي اي غلطه ثم يلهطون فلوسي

nur
2012-05-30, 07:28 AM
نسيت لا اضيف حاجه بخصوص الرصيد هذا رقم حساب جديد مافيه شي فتحت انا الحافز وطلعت مستبعده :icon28: هل له علاقه بهالشي :sadwalk:

nur
2012-06-01, 05:59 AM
وينكم ياعضاء المنتدى معقوووووله كل هذا طنششش
طيب لنفرض الرجال انشغل وهو سبق وقال عندي ظروف وين الباقين
وين التعاون وين مجتهده الى بتسالي وعبق وغيرهم من الاعضاء
معقووووول محد انسسحب وترك الدراسه واسترد افلوسه
علمونا بطريقه الله يجزاكم بالخير راح تفيدوني وتفيدون غيري بعد

nur
2012-06-01, 06:02 AM
انتظر الرد

قاعده عله على قلوبكم :busted_red: